سبحان الله تعالى ... الحكيم الرحيم ... العالم بكل شيء ما خفي منه وما ظهر ... وهو على كل شيء قدير

حابب أحكي باللغه العاميّه أفضل اذا سمحتولي ... بليز يعني


كنت بفكّر ليش انو معظم الناس دايما متضايقيين أو تعبانين وشايفين هل دنيا سودا بعيونهم ...

على كل حال انا كلامي بشكل عام وما بقصد حد معين

حقيقه انا بشوف انو الأنسان هوه اللي بجيب هل المشاكل لحالو ... يعني الله سبحانه و تعالى يقول :

﴿مَّا أَصَابَكَ مِنْ حَسَنَةٍ فَمِنَ اللّهِ وَمَا أَصَابَكَ مِن سَيِّئَةٍ فَمِن نَّفْسِكَ (79)﴾ سورة النساء

وبالتالي كلام الله واضح ... اذا شعرت انك في مصيبه فاعلم انك وراءها ... يعني انت أكيد عمات اشي غلط وعكس أوامر الله ... وبالتالي دايما تذكر انو الله ما بحب انو تصيبك الهموم والأحزان ... بالعكس هو أرحم بك من نفسك ... ولكن انت لازم تكون كمان واعي و بتعرف تقّدر الأمور !! ... يعنى الله تعالى أعطاك العقل وميزّك عن كل مخلوقاته مش مشان تعصيه ... بل مشان تصحح و تقوّم نفسك لما تُشعر انك غلطان ...


ثم انك اذا نظرت الى قانون هل دنيا ... راح تكتشف انو كل شيء ماشي مع الله ... كيف؟ .. انا بقولك ...
الشجر والحجر والأنام والشمس والقمر والكون كلّه ما صغُر منه وما كبُر يسّبح بحمد الله ... و ينفذ أوامره ... وماشي مع الله ... فتخيل حالك بين كل هل مخلوقات يتعصي الله بطريقه معينه ... بقول أو بفعل أو بكلمه ... فانت هيك كأنك ماشي عكس التيّار ... يعني كل الدنيا ماشيه باتجاه .. وانت راكب راسك وماشي بالتجاه الثاني !! ومش مستعدّ تعترف انك غلط ... وبالتالي هل تعتقد انك راح تكون مرتاح أو انو ما راح تشوف المصايب قدّمك ؟ّ ... الجواب واضح أعتقد


الخطيب في صلاة الجمعه الماضيه قال اشي جميل ... الصحابه والتابعين رضوان الله عليهم كانو مثلا اذا ركبوا الحصان ... والحصان صار يرفضهم ... كان يشعر الصحابي انو في أشي غلطت عملوا و يبدأ بمراجعة أعمالوا اللي عملها من الصبح !!! ... فما بالكم بـ اللي بعصي ربنا ليل و نهار وبعدين يبجي بحكيلك يا الله ليش بصير معي هيك !!!!!
...

كن مع الله يكن الله معك .... وانا با جماعه لما أقول كلمة " معصيه " فلا أقصد كبائر مثلا ... يمكن انت بتكون بتصلّي أو انتي تكوني محجبّه ... ولكن في بعض المعاصي الصغيره اللي انت يمكن تشوفها " عادي " وهي بالحقيقه مش هيك ..


مجرد خاطره حبيت أشاركم فيها لأني بحترمكم جميعا والله ... الله يوفقكم جميعا و يهدينا أجمعين